حمدي الميرغني يودّع خاله الفنان سليمان عيد: “كنت مثاليًا في كل شيء وفخور إني قريبك”

وجّه الفنان حمدي الميرغني رسالة وداع مؤثرة إلى خاله الفنان الراحل سليمان عيد، عبّر فيها عن حزنه الشديد، قائلاً:
“وداعًا يا خال.. كنت مثاليًا في كل شيء، كنت أب مثالي، زوج مثالي، أخ مثالي، صاحب مثالي، فنان وإنسان مثالي بمعنى الكلمة.””كنت بتسعى ليا في بداياتي أكتر من نفسي، وكنت بتعرفني على المخرجين والمنتجين والنجوم، ودايمًا تقدملي النصايح لحد آخر لحظة ما بينا.”

” واضاف مفيش حد كان يعرف إني قريبك إلا لما يحبني حتى قبل ما يتعامل معايا، وكل اللي عرفوك حكوا عن كرم أخلاقك وطيبتك اللي مالهاش حدود، ومفيش إنسان واحد زعل منك يوم.”

واختتم كلماته:
“هفضل فخور طول عمري إني قريبك.. كنت سهل في كل حاجة يا خال، إلا في فراقك، كنت وهتفضل أصعب حاجة، ربنا يرحمك ويسكنك فسيح جناته.”