جومانا مراد توجه رسالة ملهمة للسيدات: “قولي لنفسك أنا أحلى ست في العالم”

خلال استضافتها في برنامج “كلام نواعم” على قناة MBC، وجّهت الفنانة جومانا مراد رسالة دعم قوية لكل السيدات، حثتهن فيها على تعزيز ثقتهن بأنفسهن وتقدير جمالهن الداخلي والخارجي.

قالت جومانا: “كل ست لازم تبصّ لنفسها في المراية وتقول: أنا أحلى ست في العالم… أنا بشوف نفسي إني بجنن.” وأضافت: “الستات بتحب تسمع كلام حلو، طيب ليه متسمّعيش نفسك الكلام ده؟ ليه نجلد نفسنا ونشوف عيوبنا بس؟ أنا ببص في المراية وبقول: أنا حلوة، وحتى عيوبي هي جزء من تميّزي.”

وتحدثت جومانا عن نظرتها للتقدم في السنّ، مؤكدة أنه يمنح المرأة نضجاً وجاذبية أكبر، وقالت: “كل ما بزيد في العمر بحسّ أني أحلى وبعرف نفسي أكتر. السنّ مش رقم، السنّ هو خبرة وتجارب وشخصية اتكوّنت.”

كما اعترفت بأنها كانت تهمل نفسها سابقاً، لكنها تعلّمت أهمية الاهتمام بالذات، مضيفة: “زمان مكنتش بعرف أطبطب على نفسي، وكنت آخر حد أفكر فيه، بس اتغيّر ده، دلوقتي كل ست محتاجة تكون حنونة على نفسها وتكافئ نفسها وماتستناش حد يطبطب عليها.”

رسالة جومانا جاءت بمثابة دعوة مفتوحة لكل النساء لتقدير أنفسهن والاحتفال بجمالهن في كل مرحلة من مراحل حياتهن.