(إنت اللي بتعلم الناس يعاملوك إزاي) يعني كل مرة بتسكت على قلة احترام أو بتضحك علشان ما تكبرش موضوع كان المفروض يتوقف … إنت كده بتبعت رسالة واضحة : (عادي كملوا كده) وساعات بنفتكر إن الطيبة تساوي سكوت … أو إن الأدب يعني نبقى دايما متسامحينحتى وإحنا موجوعين
بس الحقيقة
الطيبة من غير حدود بتتحول لاستغلال … الناس مش دايما وحشين بس هما بيتعلموا مننا
لو كل مرة حد اتأخر عليك وسكت
هيتأخر تاني
لو كل مرة حد قاطعك في الكلام وضحكت
هيقاطعك دايمًا
ولو كل مرة حد زعلك ومرديتش تزعل هيجرح أكتر
إنت مش محتاج تصرخ علشان تحط حدود
ولا تتخانق علشان تحس بقيمتك
أوقات كلمة (لأ) أو (سكوت مع نظرة) بيكونوا كفاية
الناس بتحترم اللي بيحترم نفسه
وبتخاف تكسر حد واضح لأنه ما بيتكسرش بسهولة
افتكر دايمًا
إنت المعلم وهم التلامذة
وإنت اللي بتكتب أول سطر في درس
(إزاي يتعاملوا معاك)
